မြန်မာအစိုးရ မဟုတ်မမှန်ဝါဒဖြန့်ပြီးသည့်နောက် တိုင်းရင်းသားတပ်များအား ဆက်တိုက်၊ SSPA/SSA သုံးဦး အပြင်းအထန်ဒဏ်ရာရ

( သျှမ်းသံတော်ဆင့်) 18-9-2013

သျှမ်းပြည်မြောက်ပိုင်းတွင် တိုင်းရင်းသားတပ်ဖွဲ့များနောက် မြန်မာစစ်တပ်က လိုက်လံသဖြင့် တိုက်ပွဲများဆက်တိုက် ဖြစ်ပွားနေခဲ့ကြောင်း သျှမ်းပြည်မြောက်ပိုင်းနေ ဒေသခံများကပြောပါသည်။

“စက်တင်ဘာ ၁၇ ရက် မနေ့က မွန်းလွဲပိုင်း ၂ နာရီ ကျော်ကျော် နမ္မတူမြို့ မိုင်းယင်အုပ်စုကောင်းကေးရွာဘက်မှာ မြန်မာ အစိုးရစစ်တပ် ခမရ ၅၀၄ နဲ့ သျှမ်းပြည် တိုးတက်ရေးပါတီ မြို့နယ် အမှတ် ၁၇ လုံခြုံရေးတပ်တို့ တိုက်ပွဲဖြစ်တယ်။ ကျနော်တို့ဘက်က ၃ ယောက် ဒဏ်ရာရတယ်။ မြန်မာဘက်ကတော့ မသိရဘူး ” ဟု အရာရှိငယ် စိုင်းနောင့်က ပြောသည်။

အင်အား ၅၀ ကျော်ရှိ SSPP/SSA က အဆိုပါ မြန်မာစစ်တပ်အား ကြိုတင်အကြောင်းကြားပြီးမှ လာရောက်လှုပ်ရှားခြင်း ဖြစ်ကြောင်း သို့သော် မြန်မာစစ်ကြောင်းသည် ၎င်းတို့နောက် တကောက်ကောက်လိုက်ရာ ကောင်းကေးရွာတွင် နားနေစဉ် ချောင်းမြောင်း ပစ်ခတ်ခြင်းဖြစ်ကြောင်း အဆိုပါအရာရှိ ကပြောသည်။

ထိုနေ့တွင်ပင် သျှမ်းပြည်တပ်မတော်၏ တပ်ရင်း ၄၂၃ အား မြန်မာစစ်တပ် ၅၀၄ ကပင် မိုင်းယင်အုပ်စု အနောက်ဘက်ရှိ မိုင်းယင်နှင့် ပန်ဟိုင်းရွာကြားတွင် လည်းကောင်း ကောင်းကုလားခေါ် ကောင်းခါးရွာဘက်တွင်လည်းကောင်း တပြိုင်နက် တိုက်ပွဲဖြစ်ပွါးခဲ့သည်။

၎င်းနှင့်ပတ်သက်၍ SSPP/SSA တပ်မဟာ ၁ တပ်မဟာမှူး ဒု-ဗိုလ်မှူးကြီးဆိုင်ဖက “ ကျနော်တို့ ကိုယ့် ကိုယ်ကို ငြိမ်းချမ်း ရေးအဖွဲ့တွေလို့ ထင်ပြီး စည်းကမ်းချက်တွေ လိုက်နာနေလို့ အပိုဘဲ။ အစိုးရစစ်တပ်တွေဘယ်လိုဖြစ်ချင်သလဲဆိုတာ ကျနော်တို့သိပြီ။ သူတို့ဘယ်လိုနည်းမျိုးကြိုက်လဲဆိုတာ ကျနော်တို့သိပါပြီ။ သူတို့ဆန္ဒအတိုင်းဖြစ်စေရပါမယ်” ဟု သျှမ်း သံတော်ဆင့်အားပြောပါသည်။