လာမည့်မနက်ဖြန်တွင် ကာကွယ်ရေးဦးစီးချုပ် ဒုတိယဗိုလ်ချုပ်မှူးကြီးမင်းအောင်လှိုင်နှင့် တွေ့ဆုံမည့် KNU ခေါင်းဆောင်များ(ဓါတ်ပုံ)

သမ္မတဦးသိန်းစိန်နှင့် KNU ခေါင်းဆောင်များ

နေပြည်တော်၌ သမ္မတဦးသိန်းစိန်နှင့် KNU ကိုယ်စားလှယ်အဖွဲ့ တွေ့ဆုံပြီး ညနေ (၅:၃၀) နာရီ တွင် Royal Kumudra Hotel (ရွိုင်ရယ် ကုမုဒြာဟိုတယ်)တွင် မီဒီယာများနှင့် တွေ့ဆုံ၍ Press Conference နေစဉ်။
ဓာတ်ပုံ - ဂျေပိုင်/ ဧရာဝတီ

ကချင်အရေးဟာ ကျွန်တော်တို့တိုင်းရင်းသားအရေးနဲ့စပ်ဆက်နေတဲ့အတွက် ယခုဒီပြဿနာကိုဖြေရှင်းလို့မရသေးတဲ့အချိန်မှာ တခြားတိုင်းရင်းသားအဖွဲ့အစည်းတွေ ရရှိထားတဲ့ အပစ်အခတ်ရပ်ဆဲရေးတို့မှာ ငြိမ်းချမ်းရေးတည်ဆောက်တဲ့လမ်းကြောင်းမှာ အနှောက်အယှက်အဟန့်အတားဖြစ်နေတယ်။ ဒါကိုလဲ သမ္မတကြီးကလဲ ဘယ်လိုအခက်အခဲကြောင့် တွေ့ဆုံဆွေးနွေးမှုကြောင့်မရလဲဆိုတာကိုတင်ပြတယ်။ ကျွန်တော်တို့တက်နိုင်တဲ့ဖက်က ၀ိုင်းဝန်းပြီးအဖြေရှာဖို့ကိုဆွေးနွေးသဘောတူခဲ့တာရှိတယ်။
ပဒိုစောကွယ်ထူးဝင်း (အထွေထွေအတွင်းရေးမှူး - KNU )
ဓာတ်ပုံ - ဂျေပိုင် / ဧရာဝတီ

နေပြည်တော်သို့ နိုင်ငံတော်သမ္မတဖိတ်ကြားခြင်းကြောင့်ရောက်ရှိနေသည့် KNU ကိုယ်စားလှယ်အဖွဲ့ သည် ယနေ့တွင် နိုင်ငံတော်သမ္မတနှင့်တွေ့ဆုံပြီး မနက်ဖြန်တွင်ကာကွယ်ရေးဦးစီးချုပ်ဒုတိယဗိုလ်ချုပ်မှူးကြီးမင်းအောင်လှိုင်နှင့် တွေ့ဆုံမည်ဖြစ်ကြောင်း သိရ။

ပြည်ထောင်စု သမ္မတ မြန်မာနိုင်ငံတော်ဒုတိယ သမ္မတ ဒေါက်တာ စိုင်းမောက်ခမ်းက ဗိုလ်ချုပ်ကြီး စောမူတူးစေးဖိုးနှင့်အဖွဲ့ကို ညစာဖြင့်တည်ခင်းဧည့်ခံခဲ့သည်။
ဓာတ်ပုံ - ဂျေပိုင် / ဧရာဝတီ