သမိုင်းတွင် ရွှေကုက္ကိုနှစ်သစ်ကူးပွဲတော်

သမိုင်းဝင် ကရင်နှစ် သစ်ကူး သဘင်နှင့် အမျိုးသား ပြန်လည် ရင်ကြား စေ့ရေး

ကရင့် လက်နက်ကိုင် တပ်ဖွဲ့များ ၏ အမျိုးသား ပြန်လည် ရင်ကြား စေ့ရေး နှင့် ကရင့် အမျိုးသား စည်းလုံး ညီညွတ် မှုကို ပြသသော အားဖြင့် ကရင့်နှစ် (၂၇၅၃) ခုနှစ် ပြာသို လဆန်း တရက်နေ့ (၂၀၁၄) ခုနှစ် ဇန်နာဝါရီလ (၁) ရက်နေ့ တွင်ကျ ရောက်သော ကရင့် နှစ်သစ်ကူး နေ့ထူး နေ့မြတ်ကို ယနေ့ မနက်ပိုင်း တွင် ကရင် ပြည်နယ် မြ၀တီ မြို့နယ် ရွှေ ကုက္ကို မြိုင် ကျေးရွာတွင် စုပေါင်း ကျင်းပရာ လူထု သောင်းချီ တက်ရောက်ပြီး အောင်မြင်စွာ ကျင်းပနိုင် ခဲ့ပါသည်။

 “ဟုတ်ပါတယ်။ ကရင့် အမျိုးသား စည်းလုံး ညီညွတ်ရေး နဲ့ အရင်က မလုပ်နိုင် ခဲ့တဲ့ အမျိုးသား ပြန်လည် ရင်ကြား စေ့ရေး မှာ ကျရာ အခန်းကဏ္ဍ ကနေ ပူးပေါင်း ဆောင်ရွက် နိုင်တယ် ဆိုတဲ့ သက်သေ အနေနဲ့ ထူး ထူးခြားခြား ကျင်း ပခဲ့တာ ဖြစ်တယ်။” ဟု ကျင်းပရေး ကော်မီတီ ဒုတိယ ဥက္ကဌ ပဒို လှထွန်းက ဆိုပါသည်။

 အခမ်း အနားသို့ ပြည်ထောင် စု ၀န်ကြီး ဦးအောင်မင်း ခေါင်း ဆောင်သော ငြိမ်းချမ်းရေး ကိုယ်စား လှယ် များနှင့် ကရင် ပြည်နယ် အစိုးရ အဖွဲ့ဝင် တို့ တက် ရောက် ခဲ့ကြပြီး အခမ်း အနားကို ၀န်ကြီး ဦး အောင်မင်း မှ ဖဲကြိုးဖြတ် ဖွင့်လှစ်ပေး ခဲ့ပါသည်။

 အလံတင် အခမ်း အနား ကို ကရင် ပြည်နယ် နယ်ခြား စောင့်တပ် (BGF)၊ ကရင် အမျိုးသား အစည်း အရုံး (KNU)နှင့် ကရင်ငြိမ်း ချမ်းရေး ကောင်စီ (KPC) တပ်ပေါင်း များ ပါသော အလံတင် ဂုဏ်ပြု တပ်ဖွဲ့ဖြင့် စတင်ခဲ့ ပါသည်။

အဖွင့်မိန့် ခွန်းကို ကျင်းပရေး ကော်မီတီ နာယက (KNU) စစ်ဦးစီး ချုပ် ဗိုလ်ချုပ် ကြီး ဂျော်နီမှ ပြောကြား ခဲ့ပြီး ၀န်ကြီး ဦးအောင် မင်းမှ အစိုးရ၏ လက်ရှိ သဘောထား တချို့ကို မိန့်ကြား ခဲ့ပါသည်။ ၄င်း ၏ မိန့်ခွန်းတွင် သမ္မတ ဦးသိန်းစိန် ဦးဆောင် သော လက်ရှိ အစိုးရသည် ဒီမိုကရေစီ နိုင်ငံတော် သစ်ကို တည် ဆောက် နေရာတွင် (၁) ပြည်တွင်း ငြိမ်း ချမ်းရေး ရရှိရေးနှင့် (၂) နိုင်ငံ ဖွံ့ဖြိုး တိုးတက်ရေး ကို ဦးစားပေး ဆောင်ရွက် နေခြင်းဖြစ် သည်ဟု ထုတ်ဖေါ် ပြောကြားခဲ့ ပါသည်။

 ထို့အပြင် ကရင်အဖွဲ့ အစည်းများ ၏ သ၀ဏ်လွှာ များအရ ကရင် လူမျိုးတို့ သည် တန်းတူရေး နှင့် ကိုယ်ပိုင်ပြ ဌာန်းခွင့် ရရေးကို တောင်းဆိုနေ ကြကြောင်း၊ ဤသည် ဖက်ဒရယ် ပြည်ထောင် စုကို ရည်ရွယ်သည် ဖြစ်၍ နိုင်ငံတော် အစိုးရ ကလည်း ဖက်ဒရယ် ပြည်ထောင်စု တည် ဆောက်ရေး ကို အကောင်အ ထည် ဖေါ်နေပြီး ဖြစ်သည်ဟု ဆိုပါသည်။

 ထို့နောက် ကရင် ပြည်နယ် အစိုးရ ကိုယ်စား လှယ်များမှ ရာနှင်ချီ သော ကရင် ၀တ်စုံများ ကို လက်ဆောင် ပေးခဲ့ပါ သည်။ ထို့နောက် အစီစဉ် (၈)ခုထဲမှ ဖါးအံမြို့မှ တောင်ကလေး ဆရာတော် အပါဝင် (BGF)၊ (KPC)၊ (KNU) အဖွဲ့ နှင့် ကရင် ပြည်နယ် အစိုးရ ကိုယ်စား လှယ်များက ၄င်းတို့၏ သ၀ဏ် လွှာများကို ဖတ်ကြား ကြပါသည်။

အခမ်း အနားသို့ တက် ရောက် လာသော နိုင်ငံရေး အဖွဲ့ အစည်းများ မှာ (DKBA)၊ ကယား ပြည်နယ် လူ မျိုး ပေါင်းစုံ လွတ်မြောက် ရေးအဖွဲ့၊ ကရင်နီ မျိုးနွယ်စု၊ ပြည်တွင်း၊ ပြည်ပ ကရင့် နိုင်ငံရေး အဖွဲ့ အစည်း များ နှင့် တော် လှန်ရေး အဖွဲ့အ စည်းများ စုစု ပေါင်း အဖွဲ့(၂၀)ကျော် တက်ရောက် ခဲ့ပါသည်။ 

သောင်းနှင့် ချီသော လူထုများမှာ ကရင် ပြည်နယ် မြ၀တီမြို့ နယ်၊ ဖါးအံ၊ လှိုင်းဘွဲနှင့် ကော့ကရိတ် မြို့နယ် များမှ ဖြစ် ကြပြီး ပြိုင်ဒုံး (၁၉) အဖွဲ့အပါ ၀င် ဖျော်ဖြေ ရေးဒုံး (၁၀)ဖွဲ့ဖြင့် အခမ်း အနားအား တက်ရောက် အားပေး ခဲ့ကြပါ သည်။

 ထို့ပြင် ကရင့်ရိုးရာ ၀တ်စုံပြခန်း၊ တူရိယာ ပြခန်း၊ ကရင် ကောက်သစ် စားပွဲ ဓလေ့ ပြခန်း၊ သမိုင်းဝင် ကရင့် အမျိုး သားခေါင်း ဆောင်များ ပြခန်းများပါ ခင်း ကျင်း ပြ သပြီး မီးပုံးပျံ လွှတ်တင်ပွဲ များလည်း ကျင်းပကြ ပါသည်။ အားကစား ပွဲ အဖြစ် လက်ဝှေ့ ထိုးပွဲနှင့် ဘောလုံး ပြိုင်ပွဲများ ကျင်းပခဲ့ပါသည်။ 

ထို့နည်းတူ ယနေ့ ကျင်းပသော ကရင် နှစ်သစ်ကူး အခမ်း အနားသို့ နိုင်ငံရေး၊ လူမှုရေး၊ ဘာသာရေး များမှ အဖွဲ့ အ စည်းပေါင်းစုံ တက်ရောက် လာသဖြင့် အမျိုး သား ပြန်ရင်ကြား စေ့ရေးကို ဦးတည်သော ကရင် လူငယ် တွေ့ဆုံပွဲများ နှင့် အဖွဲ့ အစည်းစုံ နိုင်ငံရေး ဆွေးနွေးပွဲ များလည်း ကျင်းပကြပါသည်။ 

ဤသည် ကရင် လက်နက်ကိုင် အဖွဲ့များ စုပေါင်း ကျင်းပသော ကရင်နှစ်သစ် ကူးနေ့အခမ်း အနား အစီစဉ်များ ဖြစ်ပါ သည်။ ကရင် နှစ်သစ်ကူး နေ့ အခမ်း အနား သည် လက်နက်ကိုင် အဖွဲ့ချင်း ညီညွတ်မှု ပြန်လည် ရရှိ လာစေရန် အဖွဲ့ဖွဲ့စည်းခြင်း၊ ဘုံအကျိုးတူ လုပ်ငန်း များဖြင့် ပူးပေါင်း ဆောင်ရွက်ခြင်း၊နားလည်မှု ရရှိ နိုင် မည့် အမျိုးသား အကျိုး စီး ပွားနှင့် ပါတ်သက်သည့်လုပ်ငန်း များကို အတူတကွ ပူးပေါင်း ဆောင်ရွက်ရန် ဆိုသည့် မူလရည်မှန်း ချက်ထဲမှ သက် သေ တခု ဖြစ်ပါ သည်။ 

ယနေ့ မျက်မှောက် ကရင် လူမှု အဖွဲ့အစည်း များထဲတွင် လက်နက်ကိုင် အဖွဲ့အစည်း (၅) ဖွဲ့ ရှိနေ ပါသည်။ ၄င်းတို့မှာ ကရင် အမျိုးသား အစည်းအရုံး (KNU)၊ ဒီမို ကရေစီ အကျိုးပြု ကရင် တပ်မတော် (DKBA) ၊ ကရင်ပြည်နယ် နယ်ခြား စောင့် တပ် (BGF) ၊ ကရင် ငြိမ်းချမ်းရေး ကောင်စီ (KNU/KNLA-PC) နှင့် ကရင် ငြိမ်း ချမ်းရေး တပ်ဖွဲ့ (KPF) အဖွဲ့တို့ ဖြစ်ပါသည်။

ဤ အထဲတွင် ပဒိုအောင်ဆန်း ဦးဆောင်သော ဘုရားတောင် အဖွဲ့လည်း ပါဝင် ခဲ့ပါသည်။ ကရင်လက်နက်ကိုင် အဖွဲ့အစည်း များသည် ကရင် အမျိုးသား စည်းလုံး ညီညွတ်ရေးကိုရည်စူးပြီး လာမည့် (၂၀၁၄) ကရင် နှစ်သစ်ကူး ပွဲကို အတူတကွ ပူးပေါင်း ကျင်းပရန် ပြီးခဲ့သည့် အောက်တိုဘာ (၁၅)ရက်နေ့ ကတည်းက ထပ်မံ ဆုံးဖြတ် ခဲ့ခြင်း ဖြစ်ပါသည်။

စစ်ရေးပြ အခမ်း အနားဖြင့် ကျင်းပရန်ရည်ရွယ် ထားသော် လည်း အစိုးရ သဘော ထား ကြောင့်၊ ဂုဏ်ပြု တပ်ဖွဲ့ဖြင့် ကြေနပ် ခဲ့ရပါသည်။  ၂၇၅၃ ခုနှစ် ကရင် နှစ်သစ်ကူး ပွဲတော် ကျင်းပရေး ကော်မီတီ ဥက္ကဌ ကို နယ်ခြား စောင့်တပ် (BGF)မှ ခစ တ (၁၀၁၈) တပ်မှူး ဗိုလ်မှူး စောမောင် ၀င်း ဦးဆောင်ပြီး ဒုဥက္ကဌ ပဒို စောလှထွန်း (KNU)၊ အတွင်းရေး မှူး ဦးမန်း အုန်းရွှေ၊ ဘဏ္ဍာရေးမှူး မန်းပြည်အေး၊ နှင့် စာရင်းစစ် ပဒို အောင်မော်အေး တို့နှင့် ဖွဲ့စည်း ခဲ့ပြီး ဆပ်ကော်မီတီ (၁၉) ခု ရှိပါသည်။

 ရံပုံငွေ အဖြစ် ကျပ်ငွေသိန်း (၅) ထောင်ခန့် သုံးစွဲကြမည် ဖြစ်ပြီး အထူး သဖြင့် (BGF) မှ ဗိုလ်မှူးချုပ် စော ချစ် သူက ဦးဆောင် ထည့်ဝင် မည်ဖြစ်သည်။ ကျင်းပရေး နာယက အဖြစ် KNU မှ ဗိုလ်ချုပ်ကြီး ဂျော်နီနှင့် နယ်ခြားစောင့်တပ် BGF ဗိုလ်မှူးချုပ် စောချစ်သူ တို့က ဆောင်ရွက် ခဲ့ပါသည်။

ကိုယ်စားလှယ်ပေါင်း (၁၃၀) ကျော် တက်ရောက် ခဲ့ပြီး၊ လွှတ်တော် အမတ် အပါဝင်၊ ကရင် လူငယ် အဖွဲ့၊သံတောင် မြောက်ခြမ်း ငြိမ်းချမ်းရေး အဖွဲ့၊ ဘာသာရေး အဖွဲ့ အစည်းပေါင်းစုံမှ ပုဂ္ဂိုလ်များ၊ KNU၊ BGF ၊ KNLA-PC နှင့် ကရင် ငြိမ်းချမ်းရေး အဖွဲ့ (ဟောင်သရော KPF) တို့က တက်ရောက် ခဲ့ ပြီး ကျင်းပ ရေး အစီစဉ် ကို ဆုံးဖြတ် ခဲ့ခြင်း ဖြစ်ပါသည်။

ဓါတ်ပုံ- Saw Freedom
သတင်း- ရွှေဟသာင်္