အသင်းကြီးအများစု အသက်ရှူချောင်ခဲ့သည့် ချန်ပီယံလိဂ် အုပ်စုမဲခွဲမှုများ

ချန်ပီယံလိဂ် အုပ်စုအဆင့် မဲခွဲနေရာချမှုများ အတည်တကျ ထွက်ပေါ်လာပြီးနောက် အသင်းကြီး အများစုမှာ မျှတသည့် အုပ်စုရပ်တည်မှု နေရာများ ရရှိခဲ့သည်ကို တွေ့ရှိရသည်။

အင်္ဂလန် ချန်ပီယံ မန်ချက်စတာ ယူနိုက်တက်သည် အုပ်စု(A)တွင် ပါဝင်နေပြီး အဓိက စိန်ခေါ်ဘက်များအဖြစ် ယူကရိန်းချန်ပီယံ ရှက်တာဒိုးနက်ခ်နှင့် ဂျာမနီမှ ဘေယာလေဗာကူဆင်တို့ကို ရင်ဆိုင်ရမည် ဖြစ်သည်။ ပြီးခဲ့သည့် (၂)ရာသီဆက်တိုက် မရဏအုပ်စုများတွင် ကျရောက်ခဲ့သော မန်ချက်စတာ စီးတီးသည်လည်း ယခုနှစ်တွင် လက်ရှိချန်ပီယံ ဘိုင်ယန်မြူးနစ်နှင့် အုပ်စု(D)၌ အတူတကွ ကျရောက်နေသည့်တိုင် ယခင်နှစ်များထက် များစွာ အသက်ရှူ ချောင်လာသည့် သဘောမျိုး ဖြစ်လာသည်။

အာဆင်နယ် အသင်းမှာမူ ပြင်သစ်မှ အိုလံပစ်မာဆေးလ်၊ ပြီးခဲ့သည့်ရာသီ ချန်ပီယံလိဂ် ဗိုလ်လုပွဲရောက် ဘိုရပ်ရှား ဒေါ့တ်မန်တို့ကြောင့် အတန်ငယ် ကျပ်တည်းသည်ဟု ယူဆရသည်။ အုပ်စု(H)တွင် ဘာစီလိုနာနှင့် အေစီမီလန်တို့ တစ်ကျော့ပြန် ရေစက်ဆုံကြပြီး ရီးယဲလ်မက်ဒရစ်မှာလည်း အီတလီ စီးရီးအေ ချန်ပီယံ ဂျူဗင်းတပ်စ်နှင့် တစ်အုပ်စုတည်း အတူကျရောက်လျှက် ရှိသည်။ ချန်ပီယံလိဂ် အုပ်စုအဆင့်အတွက် မဲခွဲဆုံးဖြတ်ပြီး ရွေးချယ်သတ်မှတ်ထားသည့် စုဖွဲ့မှုများမှာ အောက်ပါအတိုင်း ဖြစ်သည်။

အုပ်စု (A)
မန်ချက်စတာ ယူနိုက်တက်၊ ရှက်တာဒိုးနက်ခ်၊ ဘေယာ လေဗာကူဆင်၊ ရီးယဲလ် ဆိုစီဒက်

အုပ်စု (B)
ရီးယဲလ်မက်ဒရစ်၊ ဂျူဗင်းတပ်စ်၊ ဂါလာတာဆာရေး၊ ကိုပင်ဟေဂင်

အုပ်စု (C)
ဘင်ဖီကာ၊ PSG၊ အိုလံပီယာကော့စ်၊ အန်းဒါးလက်ခ်ျ

အုပ်စု (D)
ဘိုင်ယန်မြူးနစ်၊ CSKA မော်စကို၊ မန်ချက်စတာစီးတီး၊ ဗစ်တိုးရီးယားပလာဇန်

အုပ်စု (E)
ချယ်လ်ဆီး၊ ရှော်လ်ကေး၊ ဘေဆယ်လ်၊ စတူအာဘူခါရက်စ်

အုပ်စု (F)
အာဆင်နယ်၊ အိုလံပစ်မာဆေးလ်၊ ဘိုရပ်ရှားဒေါ့တ်မန်၊ နာပိုလီ

အုပ်စု (G)
ပေါ်တို၊ အက်သလက်တီကို မက်ဒရစ်၊ ဇင်းနစ်စိန့်ပီတာစဘာ့ဂ်၊ ဗီယန်နာ

အုပ်စု (H)
ဘာစီလိုနာ၊ အေစီမီလန်၊ အေဂျက်စ်အမ်စတာဒမ်၊ ဆဲလ်တစ်

http://soccermyanmar.com