ထိုင်းတွင် ဗုံးခွဲရန်ကြံစည်ခဲ့သူ အီရန်နိုင်ငံသားနှစ်ဦးကို ထောင်ဒဏ်ချမှတ်

Saturday, August 24, 2013

ထိုင်းနိုင်ငံ ဘန်ကောက်မြို့တွင် ယမန်နှစ်က ဗုံးခွဲတိုက်ခိုက်ရန် ကြံစည်ခဲ့သော အီရန်နိုင်ငံသားနှစ်ဦးကို ထိုင်းအစိုးရက ထောင်ဒဏ်ပြစ်ဒဏ်များ ချမှတ်ခဲ့ကြောင်း CNN သတင်းတွင် ဖော်ပြထားသည်။

ယမန်နှစ်က အီရန်နိုင်ငံသားနှစ်ဦးသည် ထိုင်းနိုင်ငံ၏မြို့တော် ဘန်ကောက်တွင် ဗုံးခွဲရန် ကြိုးစားခဲ့သော်လည်း တစ်ဦးသည် ထွက်ပြေးစဉ် ဖောက်ခွဲရေး ပစ္စည်းတစ်ခုကို ယူဆောင်ပြေးခဲ့ခြင်းကြောင့် ၎င်း၏ခြေနှစ်ဖက်ကို ထိခိုက်သွားခဲ့ပြီး ဖြတ်ပစ်ခဲ့ရသည်။

အသက်၂၉ နှစ်အရွယ် ဆာအစ်မိုဒါရီကို လူသတ်ရန် ကြိုးပမ်းမှု၊ ပေါက်ကွဲစေမှုနှင့် သေနတ်ကိုင်ဆောင်ခွင့် ဥပဒေကို ချိုးဖောက်မှုဖြင့် ထိုင်းတရားရုံးက ထောင်ဒဏ် တစ်သက်ချမှတ်ခဲ့ပြီး အသက် ၄၅ နှစ်အရွယ် မိုဟာမက်ခါဇာအီ ဆိုသူကို ပေါက်ကွဲစေမှုနှင့် ပြည်သူပိုင်နှင့် ပုဂ္ဂလိကပိုင် ပစ္စည်းများ ထိခိုက်ပျက်စီးစေမှုဖြင့် ထောင်ဒဏ် ၁၅ နှစ် အသီးသီး ချမှတ်ခဲ့သည်။

အဆိုပါ ဗုံးပေါက်ကွဲမှုသည် ထိုင်းနိုင်ငံ ဘန်ကောက်ရှိ အစ္စရေးသံရုံးကို ပစ်မှတ်ထား တိုက်ခိုက်ခြင်း ဖြစ်ကြောင်း အစ္စရေးက ပြောကြားသော်လည်း အီရန်အစိုးရက ငြင်းဆိုထားသည်။

ထို့ပြင် အဆိုပါ ပေါက်ကွဲမှုနှင့် ပတ်သက်၍ သံသယရှိသူ ငါးဦးတွင် သုံးဦးမှာ ထွက်ပြေးလွတ်မြောက်လျက် ရှိကြောင်း ထိုင်းအစိုးရက ပြောကြားသည်။

အဆိုပါ လွတ်မြောက်နေသူ ငါးဦးတွင်တစ်ဦးမှာ မလေးရှားသို့ ထွက်ခွာမည့် လေယာဉ်ပေါ်သို့ ထွက်ပြေးလွတ်မြောက် သွားခဲ့ပြီး ကျန်နှစ်ဦးမှာလည်း ထွက်ပြေးလွတ်မြောက်နေဆဲ ဖြစ်ကြောင်း ထိုင်းအစိုးရက ပြောကြားသည်။

မလေးရှားသို့ ထွက်ပြေးသွားသော ဇာဒတ်ဆိုသူကို မလေးရှားတွင် ယမန်နှစ်က မလေးရှားရဲက ဖမ်းဆီးထားသော်လည်း ထိုင်းနိုင်ငံသို့ လွှဲပြောင်းပေးရန်ကိုမူ မလေးရှား အဆင့်မြင့်တရားရုံးက ဆိုင်းငံ့ ထားသည်။

The Voice Weekly