ရေမရ၍ လယ်သမားများ စပါးစိုက်ရန် အခက်ခဲ ကြုံနေကြရ။
http://albanykarennews.blogspot.com/2013/04/blog-post_4867.html
“ကျနော်တို့စိုက်ပြီဆိုရင်တော့ ရေမလောက်ဘူးဆိုရင် ကျနော်တို့ထွန်ယက်ထားတဲ့ လယ်တွေက ပြန်ခြောက်ကုန်တယ်လေ။ အဲလိုခြောက်သွားတာအပြင် အခုကျနော်တို့ ပျိုးထားတဲ့ ပျိုးပင်တွေက သေကုန်တယ်။ အဲဒီလို အများကြီးဆုံးရှုံးရတဲ့အတွက် ကျနော်တို့အတွက် အခက်ခဲအများကြီး ရှိတာပေါ့” လို့ လားလဲရွာမှ ဦးဗျားရယ်က ဆိုပါတယ်။
လယ်ယာဆည်မြောင်းဦးစီးဌာနက ဒေသခံလယ်သမားများအတွက် နွေစပါးစိုက်ပျိုးရန် အတွက် ဒေါဘူးကူးအုပ်စုအနီးရှိ လယ်ဧက ၉၀၀ ကျော်အတွက်ကို စပါးမျိုးစေ့များနှင့် လယ်စိုက်ပျိုးမှုလုပ်ငန်းမှာ အထောက်အကူဖြစ်စေရန် ဒီဇယ်ဆီများ ချပေးခဲ့ပြီး စပါးပေါ်ချိန်တွင် ပြန်ဆပ်ရမှာ ဖြစ်ပါတယ်။ ယခုလို ရေလုံလုံလောက်လောက် မရတဲ့အတွက်လည်း လယ်အထွက် မကောင်းမှာကို စိုးရိမ်ပူပန်နေကြတယ်လို့ သိရပါတယ်။
“ကျနော်တို့အတွက် ရေအလုံအလောက်ရှိရင်တော့ ကျနော်တို့ အားလုံးက လုပ်ချင်ပါတယ်။ ဒါပေမဲ့လို့ ကျနော်တို့က ဒီလိုခံ လာရတာတွေ များနေတာပေါ့နော။ နှစ်နှစ် သုံးနှစ်လောက် ခံလာရပြီးပြီလေ။ ကျနော်တို့ကို ဒီလိုလုပ်ခိုင်းတယ်။ ဒါပေမဲ့ ရေကို ကျနော်တို့အတွက် သေချာမလုပ်ပေးဘူး။ လုပ်ပြီးလို့ ကျနော်တို့အတွက် ရေရှာပေးပါလို့ပြောတဲ့အခါ ဟိုပြောဒီပြော ပြောပြီးတခါမှ လာပြီးကွင်းဆင်းတာမတွေ့ရဘူး။ အဲဒါကြောင့် ကျနော်တို့ ဆုံးရှုံးတာ များနေပြီလေ။ “ လို့ ဒေါဘူးကူးအုပ်စုမှ လယ်သမား ဦးငါးရယ်ကပြောပါတယ်။
ဒေါဘူးကူးအုပ်စုအတွင်းရှိ လယ်များသည် မိုးဗြဲဆည်မှ သွယ်ယူလာသော ချောင်း တူးမြောင်းမှတဆင့် ရေများကို ပိုက်များမှ ပြန်လည်သွင်းယူနေကြပါတယ်။ အခုလို လယ်သမားများ နွေစပါးစိုက်ပျိုးရန် ရေလုံလောက်စွာမရရှိတဲ့အပေါ်မှာ ဆည်မြောင်းဦးစီးဌာနကို မေးမြန်းကြည့်တဲ့အခါမှာတော့ …
“အခုကျနော်တို့ ဘာလုပ်နေလဲဆိုတော့ ကျနော်တို့မှော်ဆယ်နေတယ်။ မှော်ဆယ်နေတော့ ရေကနည်းနည်းလေး… မှော်ဆယ်ပြီး ရင်တော့ ရေကရမှာ။ မှော်ဆယ်တာလည်း တရက်ပဲ။ တရက်နှစ်ရက်ပြီးရင် ရေရမယ်။ နောက်ပြီးဒီဟာတွေက အမှန်ပြောရင် တော့ အထက်ပိုင်းက လူတွေက ပြောလို့မရဘူး။ အဲလိုဖွင့်… စည်းမဲ့ကမ်းမဲ့ ယူနေတာလည်း ပါတာပေါ့။ ဒါပေမဲ့ ကျနော်တို့ အမြန်ဆုံးရအောင် လုပ်ပေးမယ်” လို့ ဆည်မြောင်းဦးစီးဌာနက ဒုညွန်ကြားရေးမှူး ဦးအောင်မြင့်က ပြောပါတယ်။
ယခုလိုမိုးဗြဲဆည်မှ သွယ်ယူလာသောတူးမြောင်းမှ ရေလုံလောက်စွာ မရရှိခြင်းကြောင့် စိမ့်စမ်းရေတွင်းများမှ ရေအနည်းအကျဉ်းကိုသာ အားထားနေရတယ်လို့ ဒေသခံများက ပြောပါတယ်။
Source - ကန္တာရ၀တီတိုင်း(မ်)
Post a CommentDefault CommentsFacebook Comments